Biełaruś — adzinaja ŭ śviecie kraina, dzie samy papularny sajt — «UKantakcie»
06.11.2014 / 23:29
Našaja kraina — plama niezvyčajnaha koleru na karcie samych papularnych sajtaŭ pavodle kolkaści prahladaŭ u roznych krainach śvietu. Jaje skłali Mark Hrecham i Stefana de Sabata z oksfardskaha Instytuta interneta pavodle statystyki Alexa.
Dva samyja častyja kolery na karcie, čyrvony i sini, naležać adpaviedna pošukaviku Google i sacsietcy Facebook.
Dla paraŭnańnia daśledčyki pryvodziać praparcyjnuju kartu, na jakoj kožnym trom šaścivuholnikam adpaviadaje adzin miljon internaŭtaŭ.
Dva samyja častyja kolery na karcie, čyrvony i sini, naležać adpaviedna pošukaviku Google (daminuje ŭ 62 krainach) i sacsietcy Facebook (hałoŭny sajt 50 krain). U krainach, dzie daminuje Facebook, na druhim miescy znachodzicca ci Google (36 krain), ci videachostynh Youtube (14 krain), jaki Google nabyŭ u 2006 hodzie.
Zaŭvažny koler na karcie — zialony. Jon naležyć Baidu, pošukaviku z Kitaja, i im adznačanyja Kitaj i Paŭdniovaja Kareja (daśledčyki sumniajucca, što źviestki karektnyja — vierahodna, u Paŭdniovaj Karei bolš papularny miascovy Naver). Amierykanski pošukavik Yahoo! adznačyŭ svaim fijaletavym koleram tolki Japoniju i Tajvań.
Biełaruś ža — adzinaja ŭ śviecie kraina, dzie samy papularny sajt heta rasijskaja sacyjalnaja sietka «UKantakcie».
Google i «Jandeks» tut padzialili miž saboj aŭdytoryju pašukavikoŭ amal pa-roŭnamu dy zaniali druhoje i treciaje miescy. Za imi iduć Mail.ru i «Adnakłaśniki». A Facebook tolki na dziaviatym miescy.
Cikaviejšaja rasfarboŭka i ŭ susiedziaŭ Biełarusi.
Ukraina dy krainy Bałtyi pa-jeŭrapiejsku čyrvonyja (Google). U Rasii daminuje miascovy pošukavik «Jandeks» — mahčyma, praź bitvy za aŭdytoryju miž sacsietkami «UKantakcie» i «Adnakłaśniki». U Kazachstanie pieršaje miesca zaniaŭ paštavik Mail.ru ź jaho šmatlikimi servisami.
Jašče adzin unikalny koler na karcie naležyć terytoryjam Paleściny, dzie samy naviedvalny sajt — sajt haziety «Al-Watan Voice».