«Minsktrans» paćvierdziŭ padaražańnie prajezdu ŭ hramadskim transparcie
25.11.2014 / 17:30
Fota Kiryła Chilko.
Prajezd u hramadskim transparcie Minska padaražeje da Br4,5 tys. da kanca pieršaj dekady śniežnia, paviedamiła namieśnik hienieralnaha dyrektara pa ekanomicy dziaržaŭnaha pradpryjemstva «Minsktrans» Iryna Jakuboŭskaja.
Da kanca pieršaj dekady śniežnia prajezd u hramadskim transparcie padaražeje na Br500 i składzie Br4,5 tys. Tałon u vadziciela budzie kaštavać Br5 tys., prajezd u aŭtobusach ekspres-maršrutaŭ — Br6 tys.
Taksama ŭ śniežni ŭ Minsku buduć uviedzieny ŭ dziejańnie novyja vidy prajaznych. Na adnoj bieskantaktnaj kartcy možna budzie zaprahramavać na miesiac, paŭmiesiaca, dekadu prajaznyja bilety na aŭtobusy rehularnych ekspresnych maršrutaŭ, sumieščanyja ź inšymi vidami hramadskaha transpartu. Pasažyram taksama stanuć dastupny bieskantaktnyja smart-kartki z peŭnaj kolkaściu pajezdak na ekspresy.