ZŠA ŭviaduć sankcyi suprać Vieniesueły za parušeńnie pravoŭ čałavieka

11.12.2014 / 10:24

Pałata pradstaŭnikoŭ kanhresa ZŠA ŭchvaliła zakonaprajekt, jaki praduhledžvaje ŭviadzieńnie adnabakovych sankcyj u dačynieńni da Vieniesueły za parušeńnie pravoŭ čałavieka. Raniej takuju zakanadaŭčuju inicyjatyvu ŭchvaliŭ sienat kanhresa.

Dakumient zastałosia padpisać prezidentu ZŠA Baraku Abamu.

Prezident Vieniesueły Nikałas Madura zajaviŭ, što adchilaje impieryjalistyčnyja sankcyi ZŠA.

Vieniesuelskaja apazicyja abvinavačvaje ŭłady ŭ parušeńni pravoŭ aktyvistaŭ, jakija ŭdzielničajuć u antyŭradavych demanstracyjach.

U vyniku sutyknieńniaŭ z palicejskimi padčas akcyj pratestu zahinuli z pačatku hoda 40 čałaviek.

Bi-Bi-Si