Na «BiełMuzTV» źjavilisia naviny pa-biełarusku
18.12.2014 / 12:37
Ad śniežnia ŭ etery «BiełMuzTV» źjaviłasia novaja prahrama «Pra-Naviny».
Kožny vypusk uklučaje ŭ siabie try bloki — suśvietnyja naviny, naviny artystaŭ z postsavieckaj prastory i biełaruski blok, jakomu nadzielenaja asablivaja ŭvaha. Miarkujecca, što taksama buduć interviju z roznymi artystami, jak viadomymi, tak i pačatkoŭcami, jak z estradnikami, tak i pradstaŭnikami niezaležnaj sceny i andehraŭndu. Usia prahrama całkam vychodzić na biełaruskaj movie.
Viadučyja nia tolki raskazvajuć pra pryjezd taho ci inšaha muzyki ŭ stalicu, ale i vučać jaho biełaruskim słovam. Naprykład, u niadaŭniaj pieradačy rasiejskaja śpiavačka Palina Haharyna razvučyła słova «dziakuj».
Tvaram prahramy stanie Siarhiej Michalevič z Homiela (na fota). U načnych klubach jaho viedajuć jak MS Karłsana, jon viadzie śvieckija viečaryny, kancerty, viasielli, karparatyvy, adznačyŭsia jak hulec Klubu viasiołych i kiemlivych. Trojčy pryznavaŭsia najlepšym viadoŭcam hodu na premii «NightGomel», atrymaŭ premiju «Najlepšy kancertny viadoŭca» ad Homielskaha abłvykankamu.
Biełaruskaja mova pastupova viartajecca ŭ miascovy muzyčny teleeter. Z hetaha siezonu na telekanale ANT pa-biełarusku taksama vychodzić prahrama «Lehiendy. Live».
«Pra-Naviny» vychodziać štosieradu ŭ 19:00 z paŭtoram u piatnicu ŭ 21:00 i ŭ niadzielu ŭ 16:00.