Mikałaj Łukašenka nie budzie ŭdzielničać u Kaladnym chakiejnym turniry
03.01.2015 / 18:51
Kiraŭnik FCHRB Ihar Račkoŭski raspavioŭ pra mahčymy ŭdzieł Alaksandra Łukašenki ŭ 11-m Kaladnym mižnarodnym turniry amataraŭ chakieja, jaki startuje 4 studzienia.
«Cikavy turnir, chto b što nie kazaŭ. Jon užo staŭ tradycyjnym. Hulcy z roznych krain cikavaść prajaŭlajuć. Siudy pryjazdžajuć chakieisty, jakija ŭnieśli vialiki ŭkład u raźvićcio jak prafiesijnaha, tak i amatarskaha chakieja. Liču, što hety forum budzie žyć doŭhi čas. Spadziajusia, zaŭsiody. Bo siudy pryjazdžaje šmat turystaŭ, jakija znajomiacca z horadam i krainaj. I heta dobra dla Biełarusi.
Łukašenka rychtujecca da ŭdziełu i surjozna padychodzić da padrychtoŭki. U zaležnaści ad jaho hatoŭnaści budzie pryniata rašeńnie ab tym, ci budzie jon realna hulać.
Mikałaj Łukašenka? Nie, hulać jon nie budzie. Heta inšy ŭzrovień u paraŭnańni z tym tavaryskim matčam.
Navat niemałodšy syn 75 h.n. na takim uzroŭni ŭ zajaŭku nie traplaje. Što ŭžo kazać pra Mikałaja?» — skazaŭ Račkoŭski.