У Асіповічах пры абвальванні сцяны пацярпеў падлетак
06.01.2015 / 16:09
У Асіповічах пры абвальванні сцяны корпуса закінутай бальніцы цяжкія траўмы атрымаў 14-гадовы падлетак.
Як паведамілі ва УУС Магілёўскага аблвыканкама, трагічны выпадак здарыўся раніцай 5 студзеня. Падлетак гуляў на тэрыторыі закінутай бальніцы па вуліцы 60 гадоў Кастрычніка, калі на яго абрынулася цагляная сцяна. Школьнік атрымаў чэрапна-мазгавую траўму галавы, страсенне галаўнога мозгу, пераломы рэбраў і пазванкоў.
Пацярпелы дастаўлены ў Асіповіцкую цэнтральную раённую бальніцу.