«Alternatyva» vypuściła kalandar «2015: chto nastupny?», pryśviečany palitviaźniam
07.01.2015 / 20:35
HA «Alternatyva» vypuściła kalandar «2015: chto nastupny?», pryśviečany aktyvistam hramadzianskaj supolnaści ŭ Biełarusi.
U centry ŭvahi 12 čałaviek — achviary najbolš absurdnych administracyjnych spraŭ, sfalsifikavanych uładami ŭ pieryjad 2014 hoda.
U kalandar byli ŭklučanyja fotazdymki niezaležnych SMI, zroblenyja padčas akcyj, sudovych pasiadžeńniaŭ, a taksama ŭ momant vyzvaleńnia viaźniaŭ z CIP na Akreścina ŭ Minsku.
«Z dapamohaj kalendara my chočam nahadać hramadstvu pra prablemu palityčnych viaźniaŭ u našaj krainie, taksama pryciahnuć uvahu da niezakonnaj i žachlivaj praktyki ŭładaŭ pravodzić previentyŭnyja zatrymańni niepažadanych im hramadzian ź ich nastupnaj izalacyjaj ŭ turmie.
Kali biełaruskija hramadzianie nie buduć źviartać uvahu na takuju palityku ŭładaŭ, u 2015 hodzie takich achviar ustalavanaj sistemy budzie našmat bolš, być moža, heta zakranie ŭžo i ich samich», — havorycca ŭ pres-relizie hramadskaha abjadnańnia.