10 tysiač vajskoŭcaŭ buduć achoŭvać hramadzianskija abjekty ŭ Francyi
12.01.2015 / 18:05
Dziesiać tysiač vajskoŭcaŭ buduć pryciahnutyja ŭ Francyi da achovy hramadzianskich abjektaŭ, na jakija mohuć napaści ekstremisty.
Heta rašeńnie było pryniata na sustrečy prezidenta Francyi Fransua Alanda z členami kabinieta ministraŭ i kiraŭnictvam pravaachoŭnych orhanaŭ, jakaja prajšła ŭ Paryžy.
Na naradzie abmiarkoŭvalisia miery biaśpieki i kroki pa baraćbie ź isłamskim ekstremizmam ŭ śviatle trahičnych padziej minułaha tydnia.
Ministr abarony Francyi Žan-Iŭ Lo Dryjan zajaviŭ, što vajskoŭcy z aŭtorka pačnuć achovu najbolš važnych abjektaŭ.
Akramia taho, 5000 palicyjantaŭ i supracoŭnikaŭ słužbaŭ biaśpieki buduć achoŭvać 700 habrejskich škoł krainy.
Ministr unutranych spraŭ Francyi Biernar Kaźnioŭ paviedamiŭ pra heta baćkam vučniaŭ habrejskich škoł na sustrečy, jakaja prajšła ŭ adnym z rajonaŭ poŭdnia Paryža, dzie ŭ čaćvier była zastrelenaja palicyjantka.