Карта Мінска CityInfo абнавілася да версіі 3.0
Новая версія папулярнай праграмы для Windows выйшла 13 студзеня. Спампаваць праграму можна тут.
14.01.2015 / 14:19
Новая версія уключае абнаўленне мясцовасці па стане на канец 2014 года, адрасацыю і пошук па адрасе ў Бараўлянах, Заслаўі, Ждановічах і іншых прыгарадах Мінска. Падтрымліваюцца ў актуальным стане схемы руху грамадскага транспарту.
Для кагосьці прыемнай, а для кагосьці не вельмі стане інтэграцыя праграмы з каталогам TUT.BY. Па кліку на многія будынкі цяпер паказваюцца арганізацыі і ўстановы, што там размешчаныя, ды інфармацыя пра іх з каталогу. Можна лёгка адшукаць усе цырульні ці ветэрынарныя аптэкі горада.
Але панэль каталога, што займае добрую чвэрць экрану, ніяк не адключаецца.
У дадатак да яе карыстальнік заўсёды бачыць два рэкламных банеры і рэкламу прадпрыемстваў на самой карце. Гэта дазваляе распрацоўшчыкам распаўсюджваць праграму бясплатна.
***
CityInfo дагэтуль не мае версіі для смартфонаў ці анлайн-сервісу. Замяніць яе могуць, напрыклад, «Яндэкс.Карты», што маюць як нумарацыю дамоў, так і пракладку маршрутаў на грамадскім транспарце. Яны дасяжныя як праз браўзер, так і праз адмысловыя праграмы для Android, iOS і Windows Phone.