U Rasii pastavili śpiektakl pra «pravasłaŭnaha vožyka», jaki ŭtapiŭ vaviorku
08.02.2015 / 15:12
Tomski teatr junaha hledača pradstaviŭ u Novasibirsku śpiektakl «Historyja pra pravasłaŭnaha Vožyka» pavodle adnajmiennaha tvora Mai Kučerskaj, pieradaje TV2 sa spasyłkaj na namieśnika dyrektara pa raźvićci Tomskaha TIUHa Paŭła Nikicina.
«Možna skazać, što heta historyja ab niapravilnym razumieńni pravasłaŭja», - skazaŭ Nikicin.
Śpiektakl stanie častkaj prajektu «Pieśni pra Radzimu», jaki abjadnaŭ dva novasibirskich teatry - «Hłobus» i «Pieršy teatr» - i Tomski teatr junaha hledača. Pa słovach Nikicina, hety prajekt - «ahulnaja historyja pra prablemy, jakija jość u našym hramadstvie».
U «Historyi ab pravasłaŭnym Vožyku» vožyk ŭhavaryŭ svaju susiedku vavioračku chryścicca ŭ rečcy, zahadzia viedajučy, što jana nie ŭmieje płavać, i kali vavioračka patanuła padčas chryščeńnia, vožyk zajaviŭ, što heta cudoŭna, tamu što vavioračka pamierła pravasłaŭnaj. I ŭvieś les zakryčaŭ: «Dziakuj Bohu!»
Prajekt «Pieśni pra Radzimu» byŭ pradstaŭleny hledačam 5 lutaha na małoj scenie teatra «Hłobus» u Novasibirsku. 4 sakavika prajekt pradstaviać na scenie Tomskaha abłasnoha teatra junaha hledača.
Hledačy ŭbačać try teatralnyja varyjacyi pa matyvach sučasnych prazaičnych tvoraŭ. Dla pastanoŭki režysiory vybrali apaviadańni Viktara Pialevina, Dźmitryja Hłuchoŭskaha i Mai Kučerskaj.