Пяць фішак Google, пра якія вы маглі не ведаць
10.02.2015 / 17:13
Таймер
Проста ўвядзіце ў пошукавым радку «Timer» і патрэбную колькасць часу. Праўда, з беларускай мовай не працуе. І старонку нельга закрываць. Але проста і зручна, па заканчэнні часу будзе гукавы сігнал.
Lego
Пагуляйце ў Lego у вашым браўзеры Chrome. Упішыце адрас buildwithchrome.com, абярыце мапу і гуляйцеся. Гэта праўда забаўна.
Сапраўдныя мапы
Мапа, знаёмая нам са школы, істотна скажае свет і наша ўяўленне аб яго памерах. Мапы Гугл у гэтым сэнсе лепш, але і яны не ідэальныя. А каб лепш арыентавацца ў сапраўдных памерах краін і кантынентаў, ёсць гульня-пазл. Знайдзіце Аўстралію:)
Google Sky
Уводзіце google.com/sky і адпраўляецеся ў касмічнае падарожжа проста ў вашым браўзеры. Усё навукова выверана. І вось тут — наша галактыка.
Змейка ў Ютуб
Доўга грузіцца відэа? Зарубіцеся ў змейку. Відэа на паўзу і адначасовае націсканне стрэлак улева і ўверх.