Вікторыя Азаранка прайграла Сэрэне Ўільямс на Australian Open
Абноўлена
Затое Андрэй Касьціцын прызнаны найлепшы гульцом матчу зь "дзятламі". Ранішнія навіны спорту.
18.01.2008 / 08:58
Сёньня раніцай у Мэльбурне на Адкрытым чэмпіянаце Аўстраліі беларуска Вікторыя Азаранка ў матчы трэцяга кругу адзіночнага разраду прайграла знакамітай Сэрэне Уільямс – 3:6, 4:6, таму выбыла з далейшай барацьбы.
У міксьце Азаранка і Макс Мірны ў першым крузе прайгралі польска-амэрыканскаму дуэту ў складзе Марцін Маткоўскі \ Мэльен Ту - 3:6, 6:7. Зазначым, што ўчора Мірны разам з шатляндцам Джэймі Мюрэем прайграў у першым крузе парнага разраду, а індывідуальны ён не заяўляўся.
Праўда, Вікторыя працягне выступ у парным жаночым разрадзе. У пары з ізраільцянкай Шахар Пэер у матчы другога кругу яны згуляюць са швайцарскай парай – Эмануэль Гальярдзі \ Паці Шнідэр.
***
Сёньня раніцай таксама з парным разрадам разьвіталася Тацяна Пучак. У пары з аўстралійкай Настасьсяй Радзівонавай яны прайгралі першай пары турніру – Кары Блэйк (Зымбабвэ) і Лейзэл Хубер (ЗША) – 2:6, 4:6.
Тацьцяна таксама прадоўжыць у выступ у міксьце. Разам з бразыльцам Андрэ Са яны згуляюць супраць аўстралійцаў Кэйсі Дэлако \ Робэртс Сьмітс
***
Хакей. НХЛ
Сёньня раніцай "Манрэаль Канадыенс" абыграў "Атлянту Трэшарз" – 3:2. Беларус Андрэй Касьціцын закінуў шайбу на 26-хвіліне сустрэчы, зраўняўшы лік (1:1), а потым рэалізаваў пераможны буліт.
Як вынік, ён быў прызнаны найлепшым гульцом сустрэчы.