Biełaruskaje litaraturnaje radyjo zapracavała ŭ novym dyzajnie
16.02.2015 / 09:37
U jakaści aŭdyjopłejeru na sajcie Litradyjo vykarystany płejer siervisu SoundCloud. Heta dazvalaje lubomu słuchaču publikavać tvory, jakija jamu padabajucca, na svaich staronkach u sacsietkach.
Litradyjo — heta najvialikšaja fanateka sučasnaj biełaruskaj litaratury, dzie aŭtary sami čytajuć svaje tvory.
Pieršaja viersija sajta zapracavała ŭ žniŭni 2008 hoda i papaŭniałasia zapisami z prajektu «Načnaja čytanka» Biełaruskaj słužby Radyjo Svaboda. Paśla Litradyjo pačało zapisvać litarataraŭ u studyi Jeŭrapiejskaha radyjo dla Biełarusi. Ciapier ža bolš źviazana ź Biełaruskim PEN-centram i zaprašaje aŭtaraŭ na zapis u ofis hetaj arhanizacyi.
Siońnia na staroncy Litradyjo — 63 aŭtary i bolš za 1000 tvoraŭ.
Ad času zasnavańnia kiraŭnikom prajektu byŭ prazaik Pavieł Ancipaŭ. U 2013 hodzie jaho źmianiła paet i prazaik Nasta Mancevič. Z 2014 hoda kurataram Litradyjo źjaŭlajecca paet i muzyka Uładź Lankievič.
Zaraz partniorami Litradyjo vystupajuć Sajuz biełaruskich piśmieńnikaŭ i kampanija «Budźma biełarusami».