Minkult Rasii nie bačyć u Jeŭropie «zorak» ŭzroŭniu Kabzona
17.02.2015 / 18:20
Ministr kultury RF Uładzimir Miadzinski i Iosif Kabzon. Fota: Dźmitryj Duchanin / «Kommiersant'»
Ministerstva kultury Rasii nie budzie patrabavać ŭviadzieńnia sankcyj suprać artystaŭ z krain Jeŭrasajuza ŭ adkaz na ŭklučeńnie ŭ čorny śpis ES deputata Dziarždumy i śpievaka Iosifa Kabzona.
«My nie płanujem mier u adkaz, bo ja nie baču ŭ hetych krainach dziejačaŭ kultury ŭzroŭniu Kabzona. Takich niama. A padviarhać sankcyjam artystaŭ abo inšych dziejačaŭ kultury bolš nizkaha ŭzroŭniu biessensoŭna», — zajaviŭ kiraŭnik Minkulta Uładzimir Miadzinski.
Raniej sam Kabzon vystupiŭ suprać zabarony na ŭjezd u Rasiju zamiežnych artystaŭ. Zamiest hetaha jon prapanavaŭ abmiežavać vyjezd z krainy rusafobaŭ. «Paklopničajcie doma, plujcie, abražajcie krainu, dziejačaŭ. Za miažu ja b nie staŭ puskać, — skazaŭ Kabzon. — Zmahajciesia ź ciažkaściami tut, u siabie na radzimie».
16 lutaha Brusiel uvioŭ sankcyi ŭ dačynieńni da jašče pieciarych rasiejcaŭ, u tym liku Kabzona. Fihurantam śpisu zabaronieny ŭjezd u Jeŭrasajuz, ich aktyvy na terytoryi ES buduć zamarožanyja.