Rasija znoŭ viartaje ŭ Biełaruś sadavinu i aharodninu
25.02.2015 / 20:59
Rasija praciahvaje viartać u Biełaruś sadavinu i aharodninu, uviezienuju ŭ krainu z parušeńniami.
Jak paviedamlaje ŭpraŭleńnie Rassielhasnahladu pa Branskaj i Smalenskaj abłaściach, u punkcie papiaredniaha paviedamleńnia «Čyrvony Kamień» 20 lutaha byŭ zabaronieny ŭvoz śviežych jabłykaŭ polskaha pachodžańnia. Hruz vahoj bolš jak 19 ton ruchaŭsia ź Biełarusi ŭ adras HTAA «KazBitŁahistyk» (Kazachstan) u supravadžeńni biełaruskaha fitasanitarnaha siertyfikatu. Za parušeńnie ŭstanoŭlenaj schiemy ruchu tranzitnych hruzaŭ pa terytoryi Rasii pradukcyja viernuta eksparcioru.
23 lutaha anałahičnaje parušeńnie źjaviłasia pryčynaj viartańnia 19 ton małdaŭskich jabłykaŭ z PPP «Čyrvonaja Horka».
24—25 lutaha ŭ hetym punkcie byŭ zabaronieny ŭvoz na terytoryju RF bolš jak 230 ton raślinnaj pradukcyi, jakaja nakiroŭvałasia z terytoryi Biełarusi.
Tak, bolš za 58 ton bulby, jabłykaŭ i hruš pieravoziłasia ŭ supravadžeńni niesapraŭdnych reekspartnych fitasanitarnych siertyfikataŭ. Na 20 tonach biełaruskaj morkvy adsutničali markirovačnyja etykietki ź nieabchodnaj infarmacyjaj ab pradukcyi. Z-za parušeńniaŭ u afarmleńni fitasanitarnych dakumientaŭ adpraŭščyku viarnuli 20 ton charčovaj bulby.
Aprača taho, inśpiektarami ŭpraŭleńnia Rassielhasnahladu pa Branskaj i Smalenskaj abłaściach było ŭstanoŭlena, što bolš jak 135 ton padkarancinnaj pradukcyi pachodžańniem z Turcyi, Makiedonii, Jehipta i Kitaja supravadžalisia padroblenymi fitasanitarnymi siertyfikatami hetych krain.
Hetyja parušeńni pasłužyli padstavaj dla viartańnia zhadanych hruzaŭ adpraŭščykam.