На Кубе памерла былая каханка Фідэля Кастра
У Гаване на 90-м годзе жыцця памерла былая каханка кубінскага лідара Фідэля Кастра — Наталья Рэвуэльта Клеус.
02.03.2015 / 22:06
Паведамляецца, што Рэвуэльта Клеус памерла яшчэ ў мінулую суботу з-за эмфізэмы лёгкіх у гаванскай бальніцы, куды яна была дастаўлена на мінулым тыдні.
У пачатку 1950-х, каб падтрымаць Кастра, яна прадала ўсе свае каштоўнасці і перадала грошы рэвалюцыянерам.
Рэвуэльта ўпершыню сустрэлася з Кастра ў 1952 годзе, у 1956 годзе ў іх нарадзілася дачка Аліна, якая стала заўзятым праціўнікам палітыкі кубінскіх уладаў.
Дачка Кастра і Рэвуэльты эмігравала ў 1993 годзе і зараз жыве ў Маямі.