У Сеуле невядомы лязом парэзаў амерыканскага амбасадара

05.03.2015 / 09:05

AP

У Сеуле адбыўся напад на пасла ЗША Марка Ліперта. Пра гэта паведамляюць паўднёвакарэйскія СМІ.

Напад адбыўся ў момант, калі Ліперт кіраваўся на сняданак у цэнтры Сеула.

Цяпер Ліперт знаходзіцца ў шпіталі. На фатаграфіі, размешчанай на паўднёвакарэйскім сайце, пасол пасля нападу затуляе рукой акрываўленую галаву.

Ягонаму жыццю нічога не пагражае.

Нападнік крычаў: «Паўднёвая і Паўночная Карэі павінны ўз'яднацца».

Прэзідэнтка Паўднёвай Карэі ўжо назвала напад спробай разбурыць карэйска-амерыканскі саюз.