Zajaŭka na praviadzieńnie Dnia Voli padadziena ŭ Minharvykankam
9 sakavika ŭ Minharvykankam padadziena zajaŭka na praviadzieńnie 25 sakavika masavaj akcyi ŭ honar Dnia Voli — hadaviny abviaščeńnia niezaležnaści Biełaruskaj Narodnaj Respubliki.
09.03.2015 / 12:55
Minuły Dzień Voli prajšoŭ pad znakam salidarnaści z Ukrainaj
Zajaŭku padali staršynia Partyi BNF Alaksiej Janukievič i lidar Maładych chryścijanskich demakrataŭ Maryna Chomič. Zajaŭku taksama padpisali pradstaŭnik ruchu «Za svabodu» Mikita Siemianienka i Abjadnanaj hramadzianskaj partyi Mikałaj Kazłoŭ.
Pavodle zajaŭki, zbor udzielnikaŭ akcyi płanujecca na 17:00 kala kinateatra «Kastryčnik», na 18:00 — pačatak šeścia ŭ park Družby narodaŭ, dzie adbudziecca mitynh.
Tematyka mierapryjemstva — niezaležnaść, salidarnaść z Ukrainaj, pratest suprać antydemakratyčnych uładaŭ Biełarusi.
«My spadziajemsia, što, niahledziačy na hod praviadzieńnia prezidenckich vybaraŭ, ułady nie buduć šukać niejkich začepak, kab admović u praviadzieńni akcyi, i daduć stanoŭčy adkaz», — skazaŭ Alaksiej Janukievič.