Pucin upieršyniu źjaviŭsia na publicy paśla doŭhaj adsutnaści: «Jon nie tolki chodzić, ale i haniaje, za rulom haściej kataje»
U Sankt-Pieciarburhu pačałasia sustreča prezidenta Rasii Uładzimira Pucina i jaho kirhizskaha kalehi Ałmaźbieka Atambajeva.
16.03.2015 / 14:06
tass.ru
Atambajeŭ prylacieŭ u Sankt-Pieciarburh jašče 15 sakavika, ab jaho prylocie paviedamlałasia na aficyjnym sajcie.
Raniej Pucin bolš za tydzień nie źjaŭlaŭsia na publicy. Dźmitryj Piaskoŭ na pytańnie, čamu sustreča prachodzić u Pieciarburhu, skazaŭ, što ŭ Atambajeva tut vučycca dačka, i jamu tak zručniej.
Ahienctva Reuters paviedamlaje, što Pucin prakamientavaŭ paviedamleńni ab prablemach sa zdaroŭjem: «Bieź plotak budzie sumna».
Čutki pra stan zdaroŭja svajho kalehi prakamientavaŭ i kiraŭnik Kirhizii.
«Tolki što Uładzimir Uładzimiravič mianie pa terytoryi [Kanstancinaŭskaha pałaca] pakataŭ, sam byŭ za rulom, heta kab mienš było plotak», — skazaŭ Atambajeŭ.
«Prezident Rasii — jon nie tolki chodzić, ale i haniaje, za rulom haściej kataje», — dadaŭ jon.
Praŭda, pieramovy pačalisia z dvuchhadzinnym spaźnieńniem, zaznačaje Bi-Bi-Si.
fota z tvitara Dźmitryja Śmirnova