Supracoŭnica kaviarni ŭ Salihorsku paprasiła rabaŭnika ź pistaletam syści VIDEA
«Kali ŭ vas ničoha nie atrymlivajecca, mo ŭžo pojdziecie?»
20.03.2015 / 14:41
Salihorac źviarnuŭsia ŭ milicyju z zajavaj pra sprobu rabavańnia kaviarni «Lasnoje» na trasie Minsk — Mikaševičy, pieradaje UUS Minabłvykankama.
Udzień 16 sakavika ŭ kaviarniu zajšoŭ čałaviek u mascy i nastaviŭ na žančynu-barmiena pistalet. Mužčyna patrabavaŭ addać jamu vyručku z kasy. Ale atrymaŭ admovu i byŭ vymušany syści.
Padrabiaznaści zdareńnia raspaviała Onliner.by supracoŭnica kaviarni Iryna. Pa jaje słovach, žančyna-barmien spačatku spužałasia. Złačynca pačaŭ pierazaradžać pistalet, dy dvojčy vyjšła asiečka. Tady žančyna skazała: «Kali ŭ vas ničoha nie atrymlivajecca, mo ŭžo pojdziecie?». Złačynca pasłuchaŭsia parady supracoŭnicy i syšoŭ.
Pa fakcie sproby rabavańnia zaviedziena kryminalnaja sprava pa art. 207 č.1. Hramadzian, jakija mohuć paviedamić karysnuju infarmacyju, prosiać źviartacca pa numarach (044) 544-91-43, (0174) 25-36-06 albo 102.