Ananič: Ludzi adčuli karyść ad dziaržaŭnaha rehulavańnia internet-prastory

26.03.2015 / 08:21

Ludzi adčuli karyść ad dziaržaŭnaha rehulavańnia internet-prastory. Takoje mierkavańnie 25 sakavika ŭ chodzie praviadzieńnia pryjomu hramadzian i pramoj telefonnaj linii ŭ Ščučynie vykazała ministr infarmacyi Lilija Ananič.

Źmianieńni ŭ zakanadaŭstvie dali mahčymaść unieści peŭnyja karektyvy ŭ rabotu internet-resursaŭ. Dziaržaŭnaje rehulavańnie hetaj śfiery nieabchodna, i hramadzianie ŭskładajuć na jaho peŭnyja nadziei, ab čym śviedčać u tym liku zvaroty ŭ čas pramych linij i sustreč.

Tak, u Ministerstva infarmacyi pastupiła niamała paviedamleńniaŭ nakont raboty internet-resursaŭ.

Navat kali časam hetyja pytańni patrabujuć u bolšaj stupieni raboty pravaachoŭnych orhanaŭ, heta pakazvaje, što ludzi atrymali i acanili dadatkovy kanał dla vyrašeńnia prablem, mohuć raźličvać na dziaržaŭnuju dapamohu. Pravodziacca pravierki, zakryvajucca sajty z-za raspaŭsiudžvańnia narkotykaŭ i h.d. «Hetyja i inšyja destruktyŭnyja prajavy praź internet pavinny spyniacca», - padkreśliła Lilija Ananič.

Asobnyja normy zakanadaŭstva, jakija datyčacca rehulavańnia internet-prastory, dapracoŭvajucca. Tak, padrychtavany źmianieńni va ŭkaz numar 60 «Ab mierach pa ŭdaskanaleńni vykarystańnia nacyjanalnaha siehmienta sietki Internet».

Płanujecca zakryć isnujučyja prałazy dla ŭładalnikaŭ sajtaŭ u płanie ich adkaznaści za «kamientataraŭ» na svaich resursach.

BiełTA