«Okiean Jelzi» ŭ krasaviku ładzić tur pa Biełarusi
U kancy krasavika słavutyja ŭkraincy praviaduć u našaj krainie sieryju kancertaŭ «Usie budie dobrie».
26.03.2015 / 11:00
«Okiean Jelzi» z nahody 20-hodździa ładzić tur pa Ukrainie, Jeŭropie i Amierycy. U miežach jaho zorki ŭkrainskaha roku zavitajuć i ŭ Biełaruś, paviedamlaje Naviny.by.
Kancerty projduć 26 krasavika ŭ Homieli, 27 krasavika ŭ Viciebsku, 29 krasavika ŭ Hrodnie i 30 krasavika ŭ Breście.
Na ich hurt vykanaje «nastalhičnuju» prahramu sa svaich hałoŭnych chitoŭ, u tym liku «Biez boju», «Viŝie nieba», «Ja tak choču», «Taka, jak ti», «Kvitka» i «Vsie budie dobrie».
Ceny na kvitki kaštujuć u rajonie 300—600 tysiač.
Z kancertam u Minsku hurt vystupaŭ u listapadzie minułaha hoda. Tady vakalist hurta Śviatasłaŭ Vakarčuk źniaŭ fiejeryčnaje videa zali «Minsk-Areny», ale kancert taksama zapomniŭsia tym, što administracyja adbirała ŭ słuchačoŭ ukrainskija ściahi.
***
«Okiean Jelzi» («Akijan Elzy») byŭ stvorany ŭ 1994 hodzie ŭ Lvovie. Hurt hraje ŭkrainamoŭny pop-rok, vydaŭ 8 studyjnych albomaŭ i try dziasiatki videaklipaŭ. Papularnaść zdabyŭ u 1998 hodzie z debiutnym albomam «Tam, die nas niema». Siońnia adzin z samych papularnych rok-hurtoŭ Ukrainy, dobra viadomy ŭ SND. U 2012 hodzie pryznany na ŭkrainskaj premii YUNA «Najlepšym hurtom dvaccacihodździa».