Vierbnaja niadziela ŭ katalikoŭ — ceny na vierby ŭ Minsku
29.03.2015 / 11:08
Siońnia kataliki śviatkujuć Vierbnicu (Palmovuju niadzielu).
Heta śviata ŭstanoŭlenaje ŭ pamiać uvachodu Isusa Chrysta ŭ Jerusalim. Napiaredadni hetaha Isus ździejśniŭ cud uvaskrasieńnia Łazara. Viestka šyroka raźniesłasia, i śviet narodu vitaŭ jaho jak cara palmovymi halinkami.
U Biełarusi na hetaje śviata aśviačajuć vierbnyja halinki — jany simvalizujuć tyja palmovyja, jakimi sustrakali Chrysta.
Nastupny tydzień — Strasny (Vialiki), u im — Vialiki čaćvier, Vialikaja piatnica, Vialikaja subota. Vierniki ŭspaminajuć pakuty i śmierć Isusa Chrysta i rychtujucca da śviata Jaho ŭvaskrašeńnia.
Pravasłaŭnyja adśviatkujuć Vierbnicu 5 krasavika. A Vialikdzień sioleta prypadaje ŭ katalikoŭ na 5 krasavika, u pravasłaŭnych — na 12 krasavika.
U Minsku kala kaściołaŭ siońnia masava pradajuć vierby — na kožny hust. Za ŭpryhožanuju viarbinu prosiać 20 tysiač rubloŭ, za prostuju — 5—10 tysiač.