Amierykancy vydumali tufli dla sełfi
Minaki, bieražycie zuby!
31.03.2015 / 15:36
Pakul u śviecie zabaraniajuć pałki dla sełfi ŭ muziejach i na kancertach, amierykanskija vyrabniki botaŭ Miz Mooz pradstavili admysłovyja tufli dla sełfi.
Tufłi majuć vyjemku dla smartfona na nosiku. Kab zrabić sełfi, treba padniać nahu i nacisnuć palcam nahi na knopku spusku u tuflach.
Sełfi-tufli pastupiać u prodaž 2 krasavika. Ich cana składzie 199 dalaraŭ. Siarod śpisu krain, kudy dastaŭlajuć sełfi-tufli, jość i Biełaruś.