Zamiest «Mosta» na «Baravoj» projdzie GreenFest z Papa Roach
Muzyčny fiestyval projdzie 3 lipienia.
02.04.2015 / 13:18
Papa Roach. Fota: Kerrang
Kancertnaje ahienctva «Atam Entertejnmient» paviedamiła ab praviadzieńni 3 lipienia fiestyvalu GreenFest na aeradromie «Baravaja» pad Minskam.
Chedłajnierami fiestyvalu stanuć amierykancy Papa Roach. Pakul inšyja ŭdzielniki nieviadomyja, ale siarod ich abiacajuć jašče prynamsi adzin zachodni hurt, adzin bałtyjski i niekalki rasijskich dy biełaruskich.
Kvitki pastupiać u prodaž 15 krasavika pa canie ŭ 350 tysiač rubloŭ.
Raniej Papa Roach anansavali vystup u Minsku 3 lipienia, ale tady miescam vystupu paznačaŭsia Prime Hall. Na kancercie Papa Roach maje pradstavić biełaruskim słuchačam svoj novy albom «F.E.A.R».
GreenFest — štohadovy mižnarodny fiestyval. U Biełarusi jon pravodzicca ŭpieršyniu, ale arhanizatary spadziajucca zrabić jaho štohadovym.
U 2015 hodzie letni muzyčny fest «Most», što raniej štohod prachodziŭ na «Baravoj», vyrašyŭ uziać pierapynak. Pa słovach arhanizataraŭ GreenFest, ich fiestyval budzie adroźnivacca ad «Masta»: «Nijakoj muzyki dla chipstaraŭ».