Top-100 samych upłyvovych biełarusaŭ. 4. Viktar Łukašenka

05.04.2015 / 18:29

4 (2). Viktar Łukašenka

Pamočnik prezidenta ŭ pytańniach biaśpieki.

Sioleta starejšamu synu Łukašenki spaŭniajecca 40 hadoŭ, i Viktar praciahvaje zajmać klučavuju, choć i niepubličnuju pasadu pamočnika. Na ekranach televizaraŭ jon z’iaŭlajecca tolki pry naradach siłavikoŭ.

U arabskich SMI jahonaje proźvišča strakacić čaściej, Viktar pastajanna naviedvaje AAE ci Katar — krainy, jakija majuć ahromnyja reziervavyja fondy i šukajuć, kudy b ich inviestavać.

Interv’iu Viktara Łukašenki z’iaŭlajucca hady ŭ rady. Što ŭ hałavie ŭ jaho, žurnalistam nieviadoma.

U pamočnika prezidenta mocnaja i vialikaja siam’ia (čacviora dziaciej), ź jakoj jon zaŭždy z’iaŭlajecca na publicy pierad Novym hodam.

Cytata

«Dapamahać tabie tam nichto nie budzie, bo ŭsim ciažka».

U filmie ab śpiecparaździaleńni ASAM.

Ab’iektyŭka

Nar. u 1975 na Mahiloŭščynie. Skončyŭ fakultet mižnarodnych adnosinaŭ BDU (1999). Słužyŭ u śpiecpadraździaleńni pamiežnych vojskaŭ ASAM, byŭ trecim sakratarom, daradcam u addziele Zachodniaj Jeŭropy u MZS (2003—2005), pracavaŭ načalnikam addzieła zamiežna-ekanamičnych suviaziaŭ NDI srodkaŭ aŭtamatyzacyi (2003—2005). Ad 2005 — pamočnik prezidenta pa nacyjanalnaj biaśpiecy.

* * *