Top-100 samych upłyvovych biełarusaŭ. 30. Andrej Uciuryn

05.04.2015 / 18:44

30 (8). Andrej Uciuryn

Namieśnik dziaržsakratara Rady biaśpieki.

Uciurynu 44 hady, dla siońniašniaj palityčnaj elity jon uvohule maładzion. Tym nie mienš, ažno 7 hadoŭ jon uznačalvaŭ Słužbu biaśpieki prezidenta. Vidavočna, što na siońniašniaj pasadzie Uciuryn nabirajecca patrebnaha dla siabie dośviedu, kab u budučyni ŭznačalić KDB, MUS, AAC ci inšaje siłavoje viedamstva. U karjernych pierśpiektyvach hetaha čałavieka sumniavacca nie davodzicca. Jon naležyć da katehoryi dziaciej savieckich vajskoŭcaŭ, jakija ŭ sistemie Alaksandra Łukašenki zajmajuć mnohija klučavyja pazicyi.

Uciuryn choć i narodžany ŭ Rasii, ale hadavaŭsia ŭ Biełarusi, dzie jahony baćka doŭhi čas uznačalvaŭ elitnuju vajskovuju častku 3214.

Cytata

«Patrebna ŭziać pad kryło fanacki ruch i pieraaryjentavać jaho ŭ pazityŭnaje rečyšča».

Luty 2015.

Abjektyŭka

Nar. u 1971 u Pienzie. U 1992 skončyŭ Sarataŭskaje vyšejšaje vajskovaje kamandnaje vučylišča MUS Rasii, a ŭ 2002 — Akademiju MUS Biełarusi. Ad 1995 — u słužbie achovy Łukašenki. Uznaharodžany ordenami «Za biezdakornuju słužbu» i «Za słužbu Radzimie». Kiraŭnik Słužby achovy ad 2007 hoda. Ad 2014 — namieśnik dziaržsakratara Rady biaśpieki.

* * *

Čytajcie taksama:

Piać faktaŭ pra Andreja Uciuryna, jaki 7 hadoŭ kiravaŭ słužbaj achovy Łukašenki

* * *