Top-100 samych upłyvovych biełarusaŭ. 38. Uładzimir Amaryn

05.04.2015 / 18:46

38 (–). Uładzimir Amaryn

Ministr finansaŭ.

Ministerstva finansaŭ — strohaja ijerarchičnaja ŭstanova, u jakuju prychodziać adnojčy i nazaŭsiody. Amaryn u viedamstvie ŭžo bolš za try dziesiacihodździ, stolki ž pracavaŭ i jahony papiarednik Charkaviec.

Pieršaha namieśnika Amaryna, 37-hadovaha Makcima Jermałoviča, nazyvajuć bolš pierśpiektyŭnym finansistam. Ale ŭ Biełarusi apošnim časam ministry finansaŭ sychodziać u adstaŭku tolki pa stanie zdaroŭja.

Abaviazak Amaryna — sačyć, kab vydatki biudžetu nie pieravyšali dachody. Finansy lubiać cišyniu: za paŭhoda ministr ni razu nie vykazaŭ svaju pazicyju pa sprečnych pytańniach.

Cytata

«My razumiejem, što košt nafty nižejšy za zakładzieny ŭ prajekcie biudžetu. Ale zaraz nichto nie moža skazać, što budzie ŭ 2015».

Śniežań 2014.

Abjektyŭka

Nar. u 1961 u Minsku. Skončyŭ Biełaruski dziaržaŭny instytut narodnaj haspadarki (1983) i Akademiju kiravańnia (2006). Z 1983 pracuje ŭ finansavaj sistemie Biełarusi. Pieršy namieśnik ministra finansaŭ (2008—2014), ministr finansaŭ (z 2014).

* * *