Top-100 samych upłyvovych biełarusaŭ. 46. Natalla Radzina

05.04.2015 / 18:47

46 (87). Natalla Radzina

Hałoŭnaja redaktarka sajta «Chartyja-97».

Redaktarka samaha papularnaha apazicyjnaha sajta ŭžo amal čatyry hady žyvie ŭ emihracyi, kudy jana była vymušana źjechać paśla pa-hromu zimoj 2010—2011.

Dziakujučy talentu i čućciu Radzinaj, «Chartyja» ničoha nie zhubiła praz vyjezd za miažu. Naadvarot, u emihracyi sajt staŭ jašče vastrejšym. «Chartyju» mnohija haniać za radykalizm, ale čytajuć. Sajt sprabavali błakavać, ale ź Biełarusi jon usio adno dastupny.

Biez umiełaj redaktarskaj ruki Radzinaj taki pośpiech naŭrad ci byŭ by mahčymy.

Abjektyŭka

Nar. u 1979 u Kobrynie. Z 1979 pa 1985 hod pražyvała ŭ Polščy, dzie słužyŭ baćka. U 2001 skončyła fakultet žurnalistyki BDU. Z 1997 hoda pracavała ŭ takich niezaležnych vydańniach, jak haziety «Imia», «Narodnaja vola», «Naviny», «Naša svaboda». Z 2001 — hałoŭnaja redaktarka sajta «Chartyja-97». 19 śniežnia 2010 była aryštavanaja pa abvinavačańni ŭ arhanizacyi «masavych biesparadkaŭ» u dzień prezidenckich vybaraŭ. Praviała 1,5 miesiaca ŭ turmie KDB. U krasaviku 2011, napiaredadni sudu, uciakła za miažu, padmanuŭšy KDB. U vieraśni 2012 adkryła ofis redakcyi sajta «Chartyja-97» u Varšavie.

* * *