Top-100 samych upłyvovych biełarusaŭ. 48. Aleh Chusajenaŭ

05.04.2015 / 18:47

48 (77). Aleh Chusajenaŭ

Kiraŭnik kampanii «Zubr-kapitał», akcyjanier «MTBanka».

Alehu Chusajenavu stała sumna prosta zarablać hrošy. Paśpiachovy mieniedžar, jaki staŭ miljanieram dziakujučy prodažam aŭtamabilaŭ, pieršym u Biełarusi stvaryŭ fond pramych inviestycyj.

Biznesmien abiraje pierśpiektyŭnyja kampanii ŭ roznych halinach ekanomiki i ŭkładaje ŭ ich hrošy inviestaraŭ, jakija davierać jamu rasparadžacca imi. Chusajenava cikaviać prahramisckija kantory, vytvorčaść kampjutarnaj techniki, a taksama stvareńnie spažyvieckich tavaraŭ.

A jašče jon znany miecenat. Pryvatnaja mastackaja kalekcyja Chusajenava, badaj, najbujniejšaja ŭ Biełarusi.

Abjektyŭka

Nar. u 1964 u Kustanai (Kazachstan). Skončyŭ Maskoŭski instytut inžynieraŭ hramadzianskaj avijacyi. Suŭładalnik «Atłant-M» i «MTBanka». Žanaty, piaciora dziaciej.

* * *