Polšča: U kabinie samalota Kačyńskaha byŭ hałoŭnakamandujučy VPS
U kabinu piłotaŭ Tu-154, na jakim lacieŭ polski prezident Lech Kačyński 10 krasavika 2010 h., za ličanyja chviliny da hibieli samalota zachodziŭ hałoŭnakamandujučy VPS Polščy hienierał Andžej Błasik.
07.04.2015 / 13:59
Agencyja Gazeta
Rasšyfroŭku pieramovaŭ, jakija vialisia ŭ kabinie ekipaža, apublikavała ŭ aŭtorak polskaja radyjostancyja RMF FM.
Pavodle hetych źviestak, u apošnija chviliny žyćcia ekipaža, Błasik zapeŭnivaŭ, što piłoty «źmieściacca», niahledziačy na sihnał sistemy «Ziamla pa kursie», mocny tuman, jaki pierad hetym abmiarkoŭvaŭ ekipaž, i vyšyniu 300 mietraŭ da pavierchni.
Piłoty pry hetym prapanoŭvali pajści na zapasny aeradrom u Minsk ci Viciebsk.
Miždziaržaŭny avijacyjny kamitet paviedamiŭ ab prysutnaści Błasika ŭ kabinie jašče ŭletku 2010 hoda, adnak polskaja vajskovaja prakuratura admaŭlała heta.
U partyi Kačyńskaha «Prava i spraviadlivaść» novuju publikacyju pieramovaŭ ŭspryniali sa ździŭleńniem, pacikaviŭšysia, čamu pra hetyja padrabiaznaści nie stała viadoma raniej.
Samalot raźbiŭsia pry zachodzie na pasadku na aeradrom «Paŭnočny» 10 krasavika 2010 hoda. Usie 96 čałaviek, jakija znachodzilisia na borcie, uklučajučy prezidenta Polščy Lecha Kačyńskaha, zahinuli.
U svaim dakładzie polskaja kamisija pa rasśledavańni pryčyn katastrofy śćviardžała, što dyśpietčary aeraporta «Paŭnočny» pad Smalenskam nie paviedamili ekipažu samalota prezidenta Polščy pra kiepskija ŭmovy nadvorja ŭ rajonie pasadki i najaŭnaści zapasnych aeradromaŭ.