Z Akreścina na Vaładarskaha

Andreja Kima, zatrymanaha paśla akcyi pradprymalnikaŭ 21 studzienia, pieraviali ŭ śledčy izalatar na Vaładarskaha paśla taho, jak jon adbyŭ 10 sutak administracyjnaha aryštu.

31.01.2008 / 20:12

Paśla taho jak Andrej Kim adsiadzieŭ 10 sutak na Akreścina, jaho advieźli ŭ prakuraturu Centralnaha rajonu Minsku, dzie adbyŭsia dopyt.

Pavodle słovaŭ maci aryštavanaha, na dopycie prysutničaŭ supracoŭnik DAI. Paśla hetaha Kima advieźli ŭ RUUS Centralnaha rajonu Miensku, a adtul u śledčy izalatar HUUS Mienharvykankamu na Vaładarskaha. Jak skazała maci Andreja, jana prasiła prakurora źmianić mieru strymańnia na padpisku ab niavyjezdu.

Advakat Andreja Kima zajaviŭ, što daŭ padpisku ab nierazhałošvańni tajny śledztva. U prakuratury Centralnaha rajonu stalicy ŭ adkaz na pytańni pra Andreja Kima kidajuć słuchaŭku.

Nahadajem, što Andrej Kim, zatrymany paśla mitynhu pradprymalnikaŭ 21 studzienia, byŭ asudžany pavodle dvuch pratakołaŭ na 10 sutak administracyjnaha aryštu i aštrafavany na 1 młn 50 tys. rubloŭ. Taksama ŭ dačynieńni da jaho była zaviedzienaja kryminalnaja sprava pavodle art. 364 KK RB («hvałt, albo pahroza hvałtu ŭ adnosinach da rabotnika milicyi»). Nibyta Andrej Kim padčas sutyčki la HUMu ŭdaryŭ supracoŭnika DAI kułakom u tvar i raśsiek tamu bryvo da kryvi. Pavodle hetaha artykułu jamu pahražaje ad troch miesiacaŭ da šaści hadoŭ źniavoleńnia. Andrej svaju vinu admaŭlaje.

Jarasłaŭ Ściešyk