Rasija znoŭ źbirajecca na Miesiac
Niahledziačy na krytyku kamisii vice-premjera Rahozina, «Raskosmas» nie zakinuŭ płanaŭ pa zasvajeńni Miesiaca.
14.04.2015 / 16:04
Zaćmieńnie Miesiaca nad Kramlom. Fota: Pavieł Hałoŭkin
Rasija źbirajecca ździejśnić paloty na Miesiac, pieradaje RIA Novosti słovy kiraŭnika «Raskosmasa» Ihara Kamarova.
Na 2028-2029 hady ŭ «Raskosmasa» zapłanavany bieśpiłotny, a na 2029-2030 hady — piłatavany palot na Miesiac.
Fiederalnaje kaśmičnaje ahienctva ŭžo prapracoŭvaje ŭsie papiarednija stadyi prajektu.
Akramia taho, «Raskosmas» razhladaje šerah prajektaŭ zvyšciažkaj rakiety-nośbita i ŭžo abraŭ patencyjnaha vytvorcu. Pakul Rasija nie maje zvyšciažkaj rakiety, pieršyja etapy miesiacovaj prahramy buduć vykonvacca ciažkaj rakietaj «Anhara», jakuju płanujecca zapuścić u 2024 hodzie.
Raniej kaśmičnaja prahrama Rasii akazałasia pad pahrozaj zryvu: ekśpiertnaja rada Vajenna-pramysłovaha kompleksu pa daručeńni vice-premjera Rasijskaj Fiederacyi Dźmitryja Rahozina razhladzieła kaśmičnuju prahramu i pryjšła da niehatyŭnych vysnoŭ. Prajekt zvyšciažkaj rakiety byŭ nazvany ekanamična niemetazhodnym.
Taksama krytykavałasia ideja transpartnaha adzinaha karabla dla kalaziamnoj arbity i vandroŭki na Miesiac. Ab hetym prajekcie «Raskosmas» ciapier nie kazaŭ.