Robat-kuchar źjavicca ŭ prodažy u 2017 hodzie VIDEA
Jaho abiacajuć navučyć hatavać dźvie tysiačy straŭ.
15.04.2015 / 16:11
Łondanskaja kampanija Moley, zasnavanaja vychadcam z Rasii Markam Alejnikam, pradstaviła pratatyp robata-povara, raspaviadaje Wired.
Dvuma roba-rukami kibierkuchar pakul moža hatavać tolki adnu stravu — krabavy sup bisk pa recepcie šef-povara Cima Andersana.
Na momant vychadu na rynak Moley abiacaje zahruzić u pamiać robata dźvie tysiačy receptaŭ i navat navučyć jaho stvarać svaje recepty. Taksama robat zmoža myć posud.
Śpis straŭ zaležyć faktyčna tolki ad prahramistaŭ — fizičnych mahčymaściej u robata chapaje. Na kožnaj ruce 129 datčykaŭ, 24 šarniry i 20 matoraŭ. Sistema navat moža paŭtarać ruchi čałavieka, zapisanyja na videa.
Moley płanuje pačać prodaž robata ŭ 2017 hodzie pa canie kala 14 tysiač dalaraŭ. Kab nie napužać pakupnikoŭ, chutkaść jaho ruchu budzie abmiežavanaja da čałaviečaj.