Zacharčanka znoŭ zajaviŭ pra hatoŭnaść bajevikoŭ uziać Maryupal
16.04.2015 / 13:55
Kiraŭnik tak zvanaj «Danieckaj narodnaj respubliki» Alaksandr Zacharčanka zajaviŭ, što rana ci pozna Maryupal ŭvojdzie ŭ skład DNR. U intervju Bloomberg jon raspavioŭ, što bajeviki mohuć zachapić horad biez surjoznaha supracivu.
«Maryupal lohka abyjści, i jany sami zdaducca. My svabodna možam heta zrabić, nie abstrelvajučy navat horad», — zajaviŭ Zacharčanka.
Zacharčanka pry hetym padkreśliŭ, što ich turbuje los žycharoŭ Maryupala. Pry hetym jon adznačyŭ, što ŭ siły DNR uvachodziać 23 tys. bajcoŭ i jašče 30 tys. reziervistaŭ.