Łukašenka: Biełaruś časta abvinavačvajuć u niejkim aŭtarytaryźmie
16.04.2015 / 14:22
Sudova-pravavaja reforma ŭ Biełarusi vychodzić na zaviaršalnuju stadyju. Ab hetym siońnia išła razmova na sustrečy Alaksandra Łukašenki sa staršynioj Viarchoŭnaha suda Valancinam Sukałam.
Alaksandr Łukašenka pacikaviŭsia, jak iduć spravy z praviadzieńniem sudova-pravavoj reformy. «Asabliva nie ŭmiešvajučysia i nie kantralujučy, niepakojusia, ci zasvojvajem my heta ŭsio. Vydzielili Śledčy kamitet: zrazumieła, što sam praces ad daznańnia da sudovaha razboru pavinien byŭ stać najbolš efiektyŭnym, dziejsnym, vynikovym. A potym jašče abjadnali sudy ahulnaj jurysdykcyi z ekanamičnymi sudami», — skazaŭ jon.
«Biełaruś časta abvinavačvajuć u niejkim aŭtarytaryźmie, jašče ŭ niečym. Pastajanna iduć dyskusii, asabliva my čujem u Rasii, ab niezaležnaści sudoŭ i hetak dalej, i da taho padobnaje. Ale my ŭžo stolki rašeńniaŭ pryniali zusim niadaŭna», - adznačyŭ Łukašenka.
Asnoŭnyja pałažeńni sudova-pravavoj reformy sfarmulavany ŭ pasłańni kiraŭnika dziaržavy ab pierśpiektyvach raźvićcia sistemy ahulnych sudoŭ. Jano źmiaščaje 54 kankretnyja daručeńni, 48 ź ich užo vykanany, astatnija 6 znachodziacca ŭ stadyi realizacyi. Čakajecca, što ŭ hetym hodzie apošni etap sudova-pravavoj reformy budzie zavieršany.