Pucin daŭ zadańnie razabracca ź biełaruskim małakom
16.04.2015 / 15:05
Uładzimir Pucin ličyć, što Biełarusi i RF nieabchodna damovicca ab adzinym uzroŭni subsidziravańnia sielskaj haspadarki.
Takoje mierkavańnie jon vykazaŭ siońnia ŭ čas televizijnaj pramoj linii z rasijanami, kamiencirujučy prablemy raźvićcia małočnaj haliny ŭ krainie.
«Jość jašče adno pytańnie, źviazanaje z suchim małakom, jakoje zavozicca da nas u vialikaj kolkaści», - adznačyŭ Uładzimir Pucin.
Pavodle jaho słoŭ, suchoje małako pastupaje ŭ RF pierš za ŭsio ź Biełarusi, što panižaje ceny ŭ samoj Rasii.
«Tut, hetak ža, jak u lubym ekanamičnym abjadnańni, my z našymi partniorami pavinny budziem sumlenna raźbiracca, razmaŭlać, vyśviatlać i damaŭlacca ab adzinych sposabach i adzinym uzroŭni subsidziravańnia sielskaj haspadarki i jaje asobnych halin», — miarkuje Uładzimir Pucin.
Prezident Rasii zajaviŭ, što ŭradu krainy nieabchodna pavialičyć padtrymku ahraryjaŭ unutry Rasii. «Uradu daviadziecca heta zrabić - pavialičyć padtrymku, u tym liku hetamu kankretnamu napramku, kali my chočam mieć ułasnuju małočnuju vytvorčaść», - skazaŭ jon. Pry hetym Uładzimir Pucin pryznaŭ, što ŭ Rasii nadoi pakul nizkavatyja ŭ paraŭnańni ź inšymi krainami.