Źmianiajucca parohavyja bały, jakija treba nabrać na testavańni, kab pastupić
Matematyku, kab pastupić na matematyčny fakultet, treba zdać na 15 bałaŭ, historyju, kab patrapić na histfak, na 20.
16.04.2015 / 15:09
Minadukacyi Biełarusi źmianiaje padychod da parohavaha bała, jaki treba nabrać na testavańni, kab pastupić u VNU. Pra heta 16 krasavika padčas anłajn-kanfierencyi na sajcie BIEŁTA paviedamiŭ ministr adukacyi Michaił Žuraŭkoŭ.
Pavodle jaho słoŭ, uvodzicca paniatak «profilny i niaprofilny pradmiet». Naprykład, matematyku na matematyčny fakultet treba zdavać na 15 bałaŭ. Takim čynam, u 2015 hodzie niezdavalniajučymi buduć ličycca adznaki: pa pieršym pradmiecie profilnaha ispytu — «Matematyka», «Fizika», «Chimija», «Bijałohija» — ad 0 da 14.
Pa takich pradmietach, jak «Historyja Biełarusi», «Suśvietnaja historyja najnoŭšaha času», «Hramadaznaŭstva», «Hieahrafija», «Zamiežnyja movy» niezadavalniajučy bał ad 0 da 19.
Pa druhim pradmiecie profilnaha ispytu — «Matematyka», «Fizika», «Chimija», «Bijałohija» — ad 0 da 9.
Pa «Historyi Biełarusi», «Suśvietnaj historyi najnoŭšaha času» i «Hramadaznaŭstvie», a taksama «Hieahrafii» i «Zamiežnych movach» treba mieć 15 bałaŭ. Pa ruskaj i biełaruskaj movach niezdavalniajučyja adznaki — ad 0 da 10 bałaŭ.