Minskaja milicyja šukaje žančynu, jakoj u banku pamyłkova vydali $1625
16.04.2015 / 16:42
Jak paviedamlaje HUUS Minharvykankama, u Frunzienskaje RUUS stalicy źviarnułasia kasirka banka, abmienny punkt jakoha raźmieščany ŭ adnym z mahazinaŭ pa vulicy Laščynskaha, z prośbaj dapamahčy va ŭstanaŭleńni asoby žančyny, jakoj jana pamyłkova vydała bujnuju hrašovuju sumu.
Žančyna padyšła da akienca kasira z prośbaj skanviertavać 10 tysiač rasijskich rubloŭ u dalary ZŠA. Kasirka zamiest $180,5 vydała klijentcy $1805. Žančyna zabrała hrošy i pajšła. U kancy pracoŭnaha dnia kasirka zaŭvažyła niastaču.
Słužbaj achovy banka ŭziaty zapis z kamiery videanazirańnia, na jakim jość šukanaja žančyna. Milicyja prosić tych, chto paznaŭ žančynu na fota z sajta HUUS, paviedamić pra heta. Kanfidencyjnaść harantujecca.