Kreml nie viedaje ab rašeńni Łukašenki nie prysutničać na paradzie Pieramohi ŭ Maskvie

18.04.2015 / 19:04

Pres-sakratar Uładzimira Pucina Dźmitryj Piaskoŭ zajaviŭ «Hazietie.Ru», što ŭ jaho rasparadžeńni pakul niama infarmacyi ab admovie kiraŭnika Biełarusi Alaksandra Łukašenki naviedać parad Pieramohi ŭ Maskvie.

Raniej stała viadoma, što 7-8 traŭnia Łukašenka zmoža naviedać Maskvu sumiesna z biełaruskaj delehacyjaj i «prademanstravać adzinstva z ruskim narodam i inšymi, chto šanuje hetuju pieramohu». Adnak kiraŭnik Biełarusi padkreśliŭ, što 9 maja budzie ŭ Minsku.