Hazieta Viciebskaj jeparchii BPC «Našie pravosłavije» zaklikaje viernikaŭ vajavać za «DNR» i «ŁNR»
21.04.2015 / 15:10
Redaktaram haziety z’iaŭlajecca viadomy dziejač ruskaha ruchu Andrej Hieraščanka.
U pravasłaŭnych cerkvach Viciebska, a taksama vobłaści aktyŭna raspaŭsiudžvajecca hazieta «Našie Pravosłaviie». Heta aficyjny drukavany orhan Viciebskaj jeparchii BPC. Nakład – 1000 asobnikaŭ. Staryja numary raspaŭsiudžvajucca ŭ cerkvach biaspłatna.
Aktyvist kampanii «Maładaja Biełaruś», pravasłaŭny viernik Alaksandr Hałavań aznajomiŭsia sa źmiestam haziety. «Vydańnie drukuje interviju z rasiejskimi najmitami – sieparatystami z šerahu «DNR» i «ŁNR» na svaich staronkach i adkryta ŭschvalaje tym udzieł pravasłaŭnych viernikaŭ va ŭzbrojennym kanflikcie va Ukrainie», - kaža Hałavań.
U adnym z sakavickich numaroŭ «Našie pravosłavije» nadrukavała materyjał z nazvaj ««Zapad nie možiet smiritsia s tiem, čto Rossiia okriepła». Heta hutarka z Marharytaj Zajdler, hramadziankaj Hiermanii, jakaja vajuje za bajevikoŭ «Navarosii». Zajdler pryznajecca, što «priniała Pravosłaviie i stała v riady opołčienciev v osaždionnom Słavianskie, a zatiem v Donieckie» i zaraz vajuje tam «nie tolko protiv fašizma, a imienno za vieru pravosłavnuju».
«Najomniki» pradstaŭleny, jak «pravosłavnyje bojcy: …oni samyje śmiełyje, …oni soboj prikryvajut tovariŝiej, hotovy «połožit dušu svoju za druhi svoja», kak skazano v Śviaŝiennom Pisanii». Nie udzieł pravasłaŭnaha viernika ŭ vajennym kanflikcie va Ukrainie (vusnami M.Zajdler) «kohda vieru viera Pravosłavnaja i Otiečiestvo v opastnosti» nazyvajecca hrachom.
«Ja sčitaju … hriechom słožit ruki i skazat: «Nu, ja vierujuŝij, pacifist, ja nie mohu brat v ruki oružiie». Dalej «opołčiencaŭ» i siabie asabista jana stavić u adzin šeraham z Aleksandram Nieŭskim i Sierhijem Radoniežskim», - raskazvaje žychar Viciebska Alaksandr Hałavań.
Aktyvist «Maładoj Biełarusi» zadajecca pytańniem, ci nie padpadajuć dadzienyja zakliki i «artykuły» da artykułu 123 Kryminalha Kodeksu RB. «Prapahanda vajny».
Darečy, admietna, što hałoŭnym redaktaram haziety «Našie pravosłavije» z’iaŭlajecca aktyvist ruskaha ruchu Andrej Hieraščanka. Raniej jon pracavaŭ načalnikam addzieła pa spravach moładzi administracyi Kastryčnickaha rajona Viciebska.
U svaich šmatlikich materyjałach jon admaŭlaŭ isnavańnie biełaruskaj nacyi i dziaržavy. Praz niekatory čas jaho zvolnili z čynoŭnickaj pasady.
Letaś padčas zvarotu da naroda i parłamienta Alaksandr Łukašenka zhadaŭ adnaho dziejača z Viciebska, vidavočna majučy na ŭvazie Andreja Hieraščanku. Łukašenka vykazaŭ ździŭleńnie, što jaho dahetul nie vykinuli z Biełarusi. «Da takich ludziej treba stavicca jak da dyviersantaŭ», - skazaŭ Łukašenka.
Jak bačym, u Viciebskaj jeparchii da takich rekamiendacyj zusim nie prysłuchalisia, a naadvarot pryznačyli Hieraščanku na kiroŭnuju pasadu.