Motaprabieh «Načnych vaŭkoŭ» u Biełarusi sustrakali na ŭzroŭni Administracyi prezidenta
Adpaviedna, nijakich rasijskich ci impierskich ściahoŭ nie było, usiudy byli biełaruskija dziaržaŭnyja.
27.04.2015 / 07:21
Nieadnaznačna ŭspryniaty ŭ Biełarusi i krainach Jeŭropy motaprabieh rasijskich bajkieraŭ ad Maskvy da Bierlina «Darohi Pieramohi» z nahody 70-hodździa Pieramohi ŭ Vialikaj Ajčynnaj vajnie Minsk sustrakaŭ na ŭzroŭni Administracyi prezidenta.
Buzoŭski treci sprava, fota Siarhieja Bałaja, Tut.by
U repartažy telekanała ANT u prahramie «Kontury» z naviedvańnia rasijskimi «Načnymi vaŭkami» i ich biełaruskimi kalehami Kurhana Słavy ŭ Smalavickim rajonie Minskaj vobłaści byŭ pakazany namieśnik kiraŭnika Administracyi prezidenta Biełarusi Ihar Buzoŭski.
«Paniaćcie miru, paniaćcie dabra, paniaćcie stvareńnia — ja spadziajusia, što mienavita z hetymi dumkami chłopcy prajazdžajuć nie tolki pa Respublicy Biełaruś, ale i pa inšych krainach. I ich praca, ja zavu heta pracaj, hetaja akcyja — ciažkaja praca, praca pa vychavańni maładoha pakaleńnia, vychavańni ludziej, jakija dzieści, mahčyma, pačali i zabyvać, što takoje Vialikaja Pieramoha, jana budzie nieabchodnaja, jana budzie patrebnaja, zapatrabavanaja na praciahu doŭhich i doŭhich hadoŭ», — skazaŭ čynoŭnik žurnalistam.
Na Kurhanie Słavy «Načnych vaŭkoŭ» sustrakaŭ nie tolki Buzoŭski, ale i pradstaŭniki ŭłady Minskaj vobłaści i členy BRSM. Adpaviedna, nijakich rasijskich ci impierskich ściahoŭ nie było, usiudy byli biełaruskija dziaržaŭnyja.
Paśla Kurhana Słavy rasijskija i biełaruskija ŭdzielniki motaprabiehu naviedali miemaryjalny kompleks «Chatyń». 27 krasavika bajkiery buduć u Breście, naviedajuć Bresckuju krepaść, zatym nakirujucca na Zachad. Kali ich puściać.
Hladzi taksama: Bajkiery z «Načnych vaŭkoŭ» pajechali da polskaj miažy