U Sankt-Pieciarburhu raźbiŭsia mikraaŭtobus z hramadzianami Biełarusi, adzin čałaviek zahinuŭ

27.04.2015 / 10:16

U Kurortnym rajonie Sankt-Pieciarburha raźbiŭsia mikraaŭtobus, u jakim jechali siamiora hramadzian Biełarusi. 

Jak paviedamlajuć miascovyja ŚMI, avaryja zdaryłasia ranicaj 25 krasavika na 6-m kiłamietry Zielenahorskaj šašy. Vadziciel «Falksvahiena-Transparciora» nie spraviŭsia z kiravańniem. Mikraaŭtobus sutyknuŭsia ź lehkavym aŭtamabilem, vylecieŭ na abočynu i ŭrezaŭsia ŭ aporu linij elektrapieradačy. 

Na miescy DTZ zahinuŭ 25-hadovy mužčyna, pasažyr «Falksvahiena». Kiroŭca i piaciora astatnich pasažyraŭ (dvoje ź jakich — starejšyja braty zahinułaha) špitalavanyja z traŭmami roznaj stupieni ciažaru.

BiełaPAN