Z banka ŭ centry Minska vykradziena 700 tys. dalaraŭ

U Minsku ŭčynieny bujny kradziež z banka. Padazrajecca rabotnik ustanovy.

28.04.2015 / 09:50

Jak paviedamlaje HUUS Minharvykankama, 27 krasavika ŭ 9.46 pa śpieclinii 102 u milicyju źviarnulisia rabotniki adnaho z bankaŭ [paviedamlajecca, što heta adździaleńnie Biełśvisbanka na Płoščy Svabody]: u pamiaškańni raźlikova-kasavaha centra, raźmieščanaha ŭ Centralnym rajonie stalicy, paškodžanyja płomby siejfaŭ. Na miesca vyjazdžali kiraŭniki i śpiecyjalisty HUUS, USK pa Minsku, HKSE, śledča-apieratyŭnaja hrupa Centralnaha RUUS. 

Padčas pieršapačatkovych apieratyŭna-vyšukovych mierapryjemstvaŭ było ustanoŭlena, što kradziež z raźlikova-kasavaha centra byŭ učynieny 25 krasavika z 18.24 da 20.53. Vykradziena: 690.000 dołaraŭ ZŠA, 64.000 jeŭra, 3.900.000 rubloŭ CB RF, 1.340 funtaŭ sterlinhaŭ, 1.000 šviejcarskich frankaŭ, 45.229 hryvien i 100 złotych. 

Jość padstavy padazravać va ŭčynieńni kradziažu 43-hadovaha śpiecyjalista adnaho z adździełaŭ hetaha ž banka. Supracoŭniki milicyi pravodziać aktyŭnyja mierapryjemstvy, skiravanyja na ŭstanaŭleńnie jaho miescaznachodžańnia. 

Upraŭleńniem Śledčaha kamiteta pa Minsku raspačataja kryminalnaja sprava. Pravodzicca rasśledavańnie.