Jacaniuk zaŭvažyŭ, što Hrecyja ad ES atrymała ŭ 10 razoŭ bolej dapamohi, čym Ukraina
28.04.2015 / 11:59
Ukrainski premjer Arsień Jacaniuk adznačyŭ, što Ukraina ŭ cełym atrymała 30 młrd dalaraŭ mižnarodnaj finansavaj dapamohi, u toj čas jak Hrecyja atrymała ŭ dziesiać razoŭ bolš.
«Ukraina atrymała kala 30 młrd dalaraŭ finansavaj dapamohi ad Mižnarodnaha valutnaha fondu, ad krain — členaŭ «Vialiki siamiorki», — skazaŭ jon u aŭtorak u Kijevie padčas Mižnarodnaj kanfierencyi ŭ padtrymku Ukrainy.
Arsień Jacaniuk adznačyŭ, što adnačasova Hrecyja ŭžo atrymała bolš za 300 młrd dalaraŭ takoj dapamohi.
Pry hetym, pavodle słoŭ premjera, Hrecyja nie viadzie vajnu i maje nasielnictva ŭ 4 razy mienš za Ukrainu.
Jon dadaŭ, što Kabmin raźličvaje na padtrymku mižnarodnaj supolnaści ŭ pytańni praviadzieńnia reformaŭ i pavyšeńnia ŭzroŭniu žyćcia hramadzian.