U Minsku 9 maja adbudziecca kala 70 śviatočnych kulturnych i spartyŭnych mierapryjemstvaŭ
28.04.2015 / 18:06
U Minsku 9 maja adbudziecca kala 70 śviatočnych kulturnych i spartyŭnych mierapryjemstvaŭ. Pra heta na pres-kanfierencyi 28 krasavika ŭ pres-centry dziaržaŭnaha infarmacyjnaha ahienctva BiełTA paviedamiŭ namieśnik načalnika hałoŭnaha ŭpraŭleńnia ideałahičnaj raboty, kultury i pa spravach moładzi Minharvykankama Siarhiej Miadźviedzieŭ.
Pavodle jaho słoŭ, asnoŭnaja haradskaja placoŭka tradycyjna budzie raźmieščana na praśpiekcie Pieramožcaŭ u rajonie Pałaca sportu, dzie projdzie kancertnaja prahrama «Kvitniejučy maj». Adbudziecca śviatočny kancert viadučych tvorčych kalektyvaŭ i vykanaŭcaŭ, vystava-kirmaš majstroŭ narodnaj tvorčaści «Horad majstroŭ», śviatočny kirmaš. Čas praviadzieńnia z 10.00 da 23.00.
30 krasavika ŭ Nacyjanalnym vystavačnym centry «BiełEkspa» adbudziecca «Bal Pieramožcaŭ» dla vieteranaŭ Vialikaj Ajčynnaj vajny. «U im voźmuć udzieł kala 500 vieteranaŭ, budzie dadzieny śviatočny kancert z udziełam viadučych artystaŭ biełaruskaj estrady, nakryty stały z pačastunkami», — paviedamiŭ Miadźviedzieŭ.
U Biełaruskim dziaržaŭnym akademičnym muzyčnym teatry 5 maja adbudziecca pakaz śpiektakla «Biełyja žuraŭli» ŭ pastanoŭcy sierbskaha režysiora Ivany Žyhon.
9 maja na terytoryi Vierchniaha horada budzie prachodzić kancertnaja prahrama «Kvietki Pieramohi» ŭ miežach letniaha muzyčna-turystyčnaha siezona, jaki adkryvajecca 2 maja. Pa vychadnych hetaja zona budzie svabodnaj ad aŭtamabilaŭ, tut buduć prachodzić kancerty, vystupleńni vuličnych muzykantaŭ, teatraŭ.
9 maja ŭ parku Pieramohi na scenie kala hałoŭnaha ŭvachodu projdzie kulturna-hramadskaja akcyja z udziełam pieramožcaŭ i dypłamantaŭ Minskaha haradskoha ahladu-konkursu patryjatyčnaj pieśni (pačatak u 17.00).
Va ŭsich rajonach Minska buduć arhanizavany kancertnyja prahramy, pryśviečanyja Dniu Pieramohi. Bolš padrabiazna ab śviatočnych mierapryjemstvach u stalicy možna daviedacca na sajcie Minharvykankama.
Pavodle słoŭ namieśnika načalnika ŭpraŭleńnia sportu i turyzmu Minharvykankama Śviatłany Dziamieški, padčas śviataŭ adbudziecca bolš čym 100 spartyŭnych mierapryjemstvaŭ, u jakich voźmie ŭdzieł kala 7 tys. čałaviek.
Siarod značnych mierapryjemstvaŭ jana nazvała mižnarodny turnir pa siłavym ekstrymie 9 maja kala Pałaca sportu, kubak Pieramohi pa hreka-rymskaj baraćbie 9 maja ŭ Haradskim centry baraćby imia Miadźviedzia, «Zorny pachod» pa maršrutach Minsk — Kurhan Słavy, Minsk — Chatyń (9—10 maja).
8 maja adbudziecca Usiebiełaruski lohkaatletyčny kros na zialonaj zonie kala steły «Minsk — horad-hieroj», u jakim płanujecca ŭdzieł da 4 tys. čałaviek. «Zabiehi buduć dla roznych uzrostavych hrup, karparatyŭnyja, vieteranaŭ, navučencaŭ i inšyja», — adznačyła Dziamieška. Pavodle jaje słoŭ, spartyŭna-masavyja mierapryjemstvy projduć va ŭsich rajonach horada.