Спявак-нацыяналіст выйшаў на трэцяе месца ў рэйтынгах папулярнасці кандыдатаў у прэзідэнты Польшчы
30.04.2015 / 11:08
Перамога Браніслава Камароўскага не выклікае сумневаў. Але для яе, магчыма, спатрэбіцца другі тур. У першым за дзейнага прэзідэнта гатовыя галасаваць 42% выбарцаў. Яшчэ 27% маюць падтрымаць кандыдата ад апазіцыйнай нацыянал-кансерватыўнай партыі «Закон і справядлівасць» Анджэя Дуду.
У другім туры за ліберал-кансерватара Камароўскага гатовыя прагаласаваць 55%, за Дуду — 39% выбарцаў. Такія вынікі дало апытанне, праведзенае кампаніяй Millward Brown для польскага тэлеканала TVN.
На трэцяе месца нечакана выйшаў кандыдат-нацыяналіст Павел Кукіз.
Яму гатовыя аддаць галасы 9% выбарцаў.
51-гадовы Кукіз — спявак. Ён сын дзеяча крэсовых арганізацый Тадэвуша Кукіза. Палітычную вядомасць ён здабыў як творамі, так і грамадскай дзейнасцю, скіраванай на забарону абортаў, гей-прайдаў. Ён таксама рэдагуе партал, прысвечаны дакументаванню польскіх могілак на былых «крэсах».
За нашумелую кандыдатку ад Саюза лявіцы дэмакратычнай мадэльку Магдалену Агурак гатовыя галасаваць толькі 3% выбарцаў.
Польскія ліберал-кансерватары з кіраўнічай Грамадзянскай платформы і нацыянал-кансерватары з «Закона і справядлівасці» кансэнсусна праводзяць палітыку, скіраваную на падтрымку незалежнасці Беларусі і Украіны. Польскія нацыяналісты, у сваю чаргу, да беларусаў і ўкраінцаў ставяцца непрыхільна, а са стратай Вільні, Гродна і Львова не змірыліся.
Сацыяльная платформа польскіх нацыяналістаў блізкая да пазіцыі французскага Нацыянальнага фронту.
Вось песня Паўла Кукіза з ягонага нядаўняга альбома:
«Jestem moherem, oszołomem,
Nazistą, świnią, homofobem
Zdrajcą, agentem, pomyleńcem,
Wrogiem dla Rosji i Unii Europejskiej
Katolem, który nie rozumie,
Że zarodek to nie człowiek,
Bo chodzić nie umie
Głąbem, co wciąż ma jedną żonę
Jestem moherem
Oszołomem
Ciemnogród jestem i faszysta,
Wróg społeczeństwa, nonkonformista
Matołem jestem obrzydliwym,
Kołtunem, chamem, ścierwem parszywym
Nacjonalistą zaślepionym
I roszczeniowcem pomylonym…»