Cvil pačała vyrablać paliva
Raniej tak umieli droždžy.
06.05.2015 / 17:10
Aspergillus carbonarius. Fota: Dominique Gueule, cirad.fr
Hrupa daśledčykaŭ ź Dziaržaŭnaha univiersiteta Vašynhtana i Olbarskaha ŭniviersiteta raspaviadaje ŭ časopisie ScienceDirect pra sposab navučyć cvilnyja hryby vyrablać vuhlevadarody, prydatnyja dla vykarystańnia ŭ jakaści paliva.
Štam hryba Aspergillus carbonarius pierapracoŭvaje draviesna-celułoznuju masu ŭ haz praz admysłovyja fiermienty.
Ekśpierymientalnym šlacham vyśvietliłasia, što ź dziesiaci roznych materyjałaŭ, prapanavanych cvili, najlepšy vynik dali avios i pšaničnaja sałoma.
Aŭtary daśledavańnia miarkujuć, što cvilnyja hryby možna vykarystoŭvać dla vytvorčaści paliva ŭ pramysłovych maštabach. Siońnia navukoŭcy sprabujuć praz hienietyčnyja madyfikacyi vyvieści bolš praduktyŭnyja štamy hryboŭ.
Dla atrymańnia bijapaliva prydatnyja i inšyja hryby — pieravažna droždžy. Na 2010 hod sumarna ŭsimi mahčymymi technałohijami było vyrablena 2,7% paliva dla naziemnych vidaŭ transpartu. Da 2050 hoda Mižnarodnaje enierhietyčnaje ahienctva maje za metu davieści hetuju ličbu da 25% i bolš.
Čytajcie taksama: Dyzielnaje paliva «zvaryli» z vady i vuhlakisłaha hazu