Aktyvista Leanida Kułakova ź Minska vyvieźli ŭ Smalavičy i buduć sudzić
11.05.2015 / 10:18
Jaho zatrymali 8 maja doma ŭ Minsku. Niejki čas Leanida nie mahli adšukać siabry: u izalatary na Akreścina i ŭ rajonnym adździaleńni milicyi jaho nie było. Znajšoŭsia jon tolki ŭ Smalavičach. Viadoma, što siońnia Kułakova buduć sudzić za administracyjnaje pravaparušeńnie.
«Leanida jašče ŭ sud nie pryvieźli, — paviedamiła Volha Mikałajčyk, jakaja ciapier znachodzicca ŭ Smalavičach. — Ničoha nie viedajem. Da jaho jedzie advakat».
Leanid Kułakoŭ — taksist, jaki ŭ sałonie jeździć ź bieł-čyrvona-biełym ściaham. Aktyvist hramadskaj kampanii «Jeŭrapiejskaja Biełaruś».
***
Pa stanie na 15.00 Leanida jašče nie asudzili. Pa słovach aktyvista Maksima Viniarskaha, tolki ciapier staŭ viadomy artykuł, za jaki jaho zatrymali — 23.34 KoAP (parušeńnie paradku arhanizacyi albo praviadzieńnia masavych mierapryjemstvaŭ).