U Bałtyjskim mory, la bierahoŭ Litvy, pačynajucca bujnyja vajskovyja vučeńni
U paniadziełak la bierahoŭ Litvy ŭ Bałtyjskim mory pačynajucca bujnyja mižnarodnyja vajskovyja vučeńni «Bałtyjskaja krepaść 2015». U ich voźmuć udzieł 20 vajskovych sudoŭ i try mižnarodnyja štaby.
11.05.2015 / 10:27
Zvyčajna ŭ hetych vučeńniach udzielničajuć VMS Bałtyjskich krain i suda eskadry vajskovych sudoŭ bałtyjskich krain BALTRON. Sioleta vučeńni nabyli bolš bujny maštab — u ich taksama prymie udzieł i Pieršaja abjadnanaja hrupa minnych tralščykaŭ pastajannaj hatoŭnaści NATA, paviedamiła litoŭskaje ministerstva abarony.
Vučeńniami buduć kiravać VMS Litvy.
U cełym u ich voźmuć 20 vajskovych sudoŭ i kateraŭ z vaśmi krain: Bielhii, Estonii, Złučanaha Karaleŭstva, Łatvii, Polščy, Narviehii, Niderłandaŭ, Hiermanii, a taksama Kamanda padvodnych dziejańniaŭ VMS Litvy i dva samaloty VPS Litvy.
Hetyja vučeńni pravodziacca z 2008 hoda, pa pryncypie ratacyi jany arhanizujucca VMS Litvy, Łatvii i Estonii.